[ ما سرّ هذه الصورة في محبسة القديس شربل؟ ]
كتب الأب نسيم قسطون :
بعد ما تصلّي بالكنيسة قدّام القربان بتطلع من الكنيسة صوب الغرفة لللي مات فيها مار شربل وبعد ما كان صار مار وقتا…
بتطلع بوجّك، بس تطلع من الغرفة، مقابيلك هاللوحة…
مكتوب عليها بالسرياني ترتيلة بنوهروخ حوزينان – بنورك نعاين اللي بتترتل في بداية القداس الإلهي :
بْنوهْرُوخ حُوزِنان نوهْرُو يِشوع مْلِه نوهْرُو. داتو نوهْرُو شارِيرُو دْمَنْهارْ لْخولْ بِرْيُون. أَنْهارْ لان بْنوهْرُوخ كايُو صِمْحِه دابُو شْمايُونُو
ܒܢܽܘܗܪܳܟ̣ ܚܳܙܶܝܢܰܢ ܢܽܘܗܪܳܐ ܝܶܫܽܘܥ ܡܠܶܐ ܢܽܘܗܪܳܐ. ܕܰܐܢܬܽ ܗ̱ܘ ܢܽܘܗܪܳܐ ܫܰܪܺܝܪܳܐ. ܕܡܰܢܗܰܪ ܠܟܽܠ ܒܶܪ̈ܝܳܢ. ܐܰܢܗܰܪ ܠܰܢ ܒܢܽܘܗܪܳܟ̣ ܓܰܐܝܳܐ. ܨܶܡܚܶܗܕܰܐܒܳܐ ܫܡܰܝܳܢܳܐ ÷
بِنورِكَ نُعايِنُ النّور يا يسوعُ الْمَملوءُ نورًا. لأنَّكَ النّورُ الْحَقيقِيُّ الَّذي يُنيرُ الكائِناتِ بِأَسْرِها. فَأَنِرْنا بِنورِكَ البَهِيِّ يا ضِياءَ الآبِ السَّـــماوِيّ
اللي رسم هاللوحة إختصر لكل شخص بيزور هالمكان سرّ قداسة مار شربل اللي لازم نفهمها صح لنكون وفينا مار شربل وكل القدّيسين حقهم…
يسوع هوي النور وهوي اللي بيحافظ عالنور اللي مادد إيدو فوق منّو ليحمي من كل رياح هالعالم…
مار شربل (واقف حد يسوع ومش مغطى يسوع) عم بيصلي متلو متلك ليسوع ليضل نور الربّ عم بيشعّ بحياتو وحياتك وحياة كل مين التجا للربّ…
مار شربل فهم إنو بيسوع بيقشع ضو الله وصار هوي بقداستو يشع قداسة الله…
مار شربل بهاللوحة عم بيقول لكل واحد منّا : يسوع هوي الأساس وبيبقا هوي الأساس اللي منلاقيه بالكتاب المقدس وبالقربان اللي قضّى مار شربل حياتو يتأمل بنعمو حضور الله اللي ما في شي قادر يطفي إلا إذا نحنا سكّرنا عيوننا…
هونيك بهالعالي ما فيك ما تحسّ حضور الله…
هونيك عند الختيار بتحسّ قديش الله بعدو شبّ ورح يبقى…
(منقول)
تعليقات
إرسال تعليق
{نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.}
{إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}