زوادة يوم ٢ تشرين الثاني ٢٠١٩/طفل بإفريقيا فاجأ الكلّ../

[ طفل بإفريقيا فاجأ الكلّ.. ] 

بخبرو انّو ببعض الكنائس بإفريقيا، بلمّو “الصينية” بسلّة كتير كبيري، وبصيرو الناس يحطو فيا محاصيل الأرض، فواكه وخضرا وشو ما يتوفّر عندن..

كان في صبي صغير قاعد بآخر الكنيسة، صار يفكر، شو بدّو يقدّم للرب، وما فيشي عندو يقدمو

صار يحسّ بالخجل، والقلق لما وصلت السلة الكبيري لعندو

وقدام دهشة الناس.. قعد الولد بالسلة، وقال بصوت عالي :

يا رب بعطيك ذاتي، هيي الشي الوحيد يللي أنا بملكو. 

الزوادة بتقلي وبتقلّك :

التقدمة مش بالكمية، إنما بالنوعية، خلينا نقدّم ذواتنا، هيّي أثمن ما عنّا.. والله معك... 

{نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.}

{إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}