زوادة يوم ٢ كانون الأوّل ٢٠١٩/خبرة حياة/

[ خبرة حياة ] 

بيخبرو عن بيّ رجِع من الشغل ع البيت، فات ع أوضتو وشاف إبنو الزغير عم بيفَلفِش بوراقو .

سألو البيّ :

«شو عم تعمل؟»

قلّو :

«عم جرّب إقرا مشاريع عملك بس مش عم بقدر إفهم شي».

البيّ انبسط لأنّو إبنو إعترف بِيَلّي كان عم يعملو وقلّو :

«يا إبني، هيدا مش بس شِغْلي، هيدا مشروع حياتي، وصعب كتير عليك تفهمو، إلا إذا أنا ساعدتك وشرحتلّك عنّو».

الزوّادة بتقلّي وبتقلّك :

«الإنجيل مشروع الله الخلاصي وجوهر حياتو، وصعب كتير علينا نفهمو، إلاّ إذا شرحلنا ياه الآب، بواسطة روحو القدّوس». والله معك...

{نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.}

{إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}