زوّادة يوم ١١ كانون الثاني ٢٠٢٠/القناعة/

[ القناعة ] 

بيخبرو عن كلب زغير عايش مع عيلة بضيعة بعيدة بالصدفة إلتقى بيوم بكلب من نفس فصيلتو عايش ببيت بالمدينة.

قلّو إنت شو بتعمل كل النهار؟

جاوبو التاني :

بنام بتختي وأوقات بينزلوني إتمشى عالطريق و باكل كروكيت بصَحني.

إستغرب اللي عايش بالضيعة، قلّو يعني ما في بسينات تلحقن وما بتلعب بالجنينة و ما بتنام حد وجاق الحطب؟ ما بتاكل معن كلّن كل ما واحد يكون عم ياكل؟ قلّو لأ ليش بدي أعمل هيك؟!

التنين راضيين و قانعين باللي عايشينو كل واحد مطرح ما هوّي مع انّو الفرق كبير بروتين حياتن! 

الزوّادة بتقلّي وبتقلّك :

القناعة كنز كبير و الطمع و الغيرة من الغير مرض! أوّل ما وصّانا ربنا لا تشته مقتنى غيرك وأوّل ما قلنا أحب قريبك كنفسك و كرمالا الناس عم تكون أنانيّة! لوين واصلين؟...الله معك...

{نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.}

{إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}