زوّادة يوم ٩ آذار ٢٠٢٠/عيد المعلّم/

[ عيد المعلّم ] 

اليوم بعيد المعلّم ما فينا ما نتذكّر قدّيسين كتار كانو معلمين!

إذا مناخد مثل بلبنان، القدّيسة رفقا والقدّيس نعمة الله الحرديني كانو بمجال التعليم كل واحد عا طريقتو وبالمطرح اللي انْوَجَد فيه.

معروف عن رفقا إنّو ما كانت تصرخ أبداً وكانت تستعمل أسلوب الإقناع وتلاميذها يحبّوها كتير.

والقدّيس الحرديني كان يعلّم بمدرسة دير كفيفان وكان مار شربل تلميذ عندو!

معروف عَنّو تواضعو حتّى لمّا ترقّى وصار مدير كان يشتغل بتجليد الكتب!

الزوّادة اليوم صلا لكِلّ معلّم تِعب و خرّج أجيال واعية، لكِلّ معلّم بيعلّم من قلبو مش من الكتاب حتّى ربنا يرافقن برسالتن ويعطيهن الصحّة!

والتحيّة الأكبر بتبقى للمعلّم الأوّل يسوع المسيح... والله معكن...

{نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.}

{إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}