زوّادة يوم ٣ حزيران ٢٠٢٠/عمل صغير بحب كبير/

[ عمل صغير بحب كبير ] 

بتقول القدّيسة الأم تريزا دي كالكوتا :

"يتقبّل الله الأشياء الصغيرة عندما يراها مصنوعة بحب كبير"

شو يعني إشيا زغيرة؟

إبتسامة مثلاً، كلمة حلوة، صلا زغيرة عا نيّة حدا، وردة، صحن أكل، حبّة دوا، مبلغ زغير...

هالإشيا وغيرا لما يكون قلبك مصدرها، لمّا تكون عم تعملها لأنّك بتحبّ وبسّ، لمّا تكون مش ناطر شي بالمقابل، لمّا تكون فرحان اذا عملت فرق كتير زغير بحياة حدا، لمّا تفكّر بغيرك وتعتل همّن وتحس معن، لمّا تصلّي لغيرك قبل حالك، لمّا تتقاسم إشيا ما عندك غيرا مع حدا...

هيدا الحب اللي كانت عم تحكي عنّو الأم تريزا!...

ربنا يتقبّل منكن كل عمل زغير معمول بحب وقلب كبير! الله معكن...

{نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات.}

{إنّ التعليقات المنشورة لا تعبر بأي شكل من الأشكال عن رأي مواقع "خدام الرب" التي لا تتحمّل أي أعباء معنويّة أو ماديّة إطلاقًا من جرّائها.}